Centraal Dialoog Bonaire: Ministerio di Finansas ta desestimá akuerdo- i konsehonan di medidanan di impuesto - https://awor.nu (2025)

Gobièrnu

Redactie

30-08-2024 - 5 minuten leestijd

KRALENDIJK – Centraal Dialoog (CD) ta bisa di ta sumamente desepshoná den e desishon di Konseho di Minister di 23 di ougùstùs pa duna aprobashon pa e kambionan ku a proponé pa e plan di impuesto 2025 pa Karibe Hulandes. Segun CD e desishon aki ta ignorá e konsehonan bon argumentá ku CD i e tres entidatnan públiko a duna tokante e plan aki. Tambe e desishon aki ta violá e Akuerdo di Kralendijk ku CD a sera na 2021 i ku e gabinete anterior a brasa komo punto di salida pa kombatimentu di pobresa.

Riba 27 di yüni CD a risibí e proposishon konkreto ku e petishon pa reakshoná riba esaki, despues ku CD den kòmbersashonnan anterior ya kaba a insistí pa no introdusí intensifikashonnan fiskal pa empresanan pa motibu di e subidanan konsiderabel di e WML e aña aki.

Tantu CD komo e tres entidatnan públiko a reakshoná riba e petishon aki ku un konseho negativo. E punto mas importante den esaki tabata ku e proposishon di lei no ta mishi asina tantu ku esnan mas pudiente, pero hustamente e empresanan mas chikí i e entradanan mediano den un tempu kaminda nos ta mei mei di un subida konsiderabel di e WML, ku CD ta haña sumamente iresponsabel pa introdusí e kambionan aki, sin un análisis adekuá di e efektonan.

E punto mas importante tabata ku bahando e límite di e di dos kategoria di impuesto na 50.000 dòler no ta mishi asina tantu ku esnan mas pudiente, pero spesialmente e entradanan mediano, e grupo ku segun e rapòrt di komishon Thodé ta na e límite di loke nan mester pa biba. Ademas ta intensifiká e eksigensianan di e suèldu usual, e suèldu ku un empresario mester paga su mes minimalmente, esaki partikularmente pa empresarionan ku awor tin un suèldu bou di e montante nesesario pasobra nan ta hasi trabou pa kua ta konta sueldunan mas abou ku e montante nesesario riba merkado laboral. Aki por trata por ehèmpel di un empresario ku un empresa di limpiesa, ku diariamente tambe ta traha komo señora di limpiesa. Segun CD ta sin presedente ku di ningun manera no ta duna muestra ku a tene kuenta ku e reakshonnan hustifiká di e islanan. Ta parse ku a pidi pa un reakshon djis pa pidi i no ta tuma e kos na serio.

Análisisnan adekuá

CD a trata último añanan kontinuamente pa drenta den kòmbersashon ku e Ministerio di Finansas tokante e sistema fiskal i e viabilidat den futuro di esaki. Aki a indiká tambe eksplísitamente ku kombatimentu di desigualdat di entrada, por ehèmpel pa medio di hisa impuesto for di un sierto entrada, sin mas ta negoshabel. Segun e órgano di konsulta sinembargo esaki mester sosodé a base di análisisnan adekuá i no ku medidanan purá purá i desekilibrá. Por ehèmpel mester investigá promé kiko ta okashoná e diferensianan den entrada na Boneiru i mester atende tambe ku e kousa aki. CD ta pensa por ehèmpel na e porsentahe haltu di personanan ménos kalifiká na Boneiru (52%, na Hulanda Europeo esaki ta 25%). Un adaptashon di un kategoria di impuesto no ta solushoná e problema aki.

Medidanan spesífiko

Tambe CD ta boga pa añanan kaba, segun e mes ta bisa, serka tantu Ministerio di Finansas komo serka BZK i SZW, pa medidanan spesífiko i medidanan ménos genériko.Un suma liber di impuesto ta konta pa tur hende i ta pues un medida genériko. Mientras esaki en realidat no ta un mester pa personanan ku un entrada mas haltu. Si esaki tabata un medida spesífiko, manera un supsidio di trabou ku ta dependé di entrada (deskuento di impuesto ku ta konta pa trahadónan te na un sierto entrada), esei ta mas efektivo. No a hasi nada ku e proposishon aki.

Tambe CD a bringa e último añanan pa un subida responsabel di e WML i bahada di e gastunan, pa kombatí pobresa. Na momentu ku a disidí na final di 2023 pa un subida supstansial di e WML, CD a insistí serka SZW i BZK pa sostené empresanan dirigí i supervisá e efektonan ekonómiko di esaki. Ámbos no a duna hopi efekto ainda. Tambe CD a insistí pa apstené di mas medida ku ta kondusí na subida di gastunan serka empresanan. CD no por hasi otro ku konkluí ku ministerionan ta opstruí otro su maneho sin kordinashon.

CD ta supliká Ministerio di Finansas pa revisá e plannan aki mesora, teniendo kuenta ku e aporte di e islanan, i bai den kòmbersashon ku CD pa loke ta trata futuro di e sistema fiskal. “Te na momentu ku e efektonan di e subida di e WML ta kla definí, no mester introdusí kambionan fiskal. Ademas kambionan den futuro mester bai semper akompañá pa un proseso intensivo bon fundá di e efektonan, manera esei ta tambe e norma den Hulanda Europeo”, segun CD.

Deskabeyá i perhudikando

Banda di esei CD ta hasi un yamada na Raad van State i Eerste i Tweede Kamer pa wak e argumentonan di e islanan ku seriedat i rekonosé ku e medidanan aki ta deskabeyá i ta perhudiká.

Centraal Dialoog Bonaire ta un mesa di konferensia den kua ta partisipá e entidat públiko, sindikatonan, representantenan di dunadónan di trabou i Kámara di Komersio. Ku e Centraal Dialoog e partidonan ta aspirá pa kontribuí na un Boneiru sosial, ekonómiko i ekológiko duradero pa medio di konsenso. Pa mas informashon: https://www.centraaldialoogbonaire.com

32

Deel dit artikel

Meer Notisia

• Boneiru FXDC Post a subi gastu di stampia
• Gobièrnu Rapòrt tokante desaroyo sostenibel pa Boneiru, St. Eustatius i Saba ta trese poko rekomendashon nobo
• Boneiru Promé beibi di aña 2025 a nase na Boneiru
• Hulanda A start rekoudashon di fondo pa despedida Gianny-Davey
• Kòrsou Polis di Kòrsou ta konfirmá koktel Molotov, posiblemente planiá
• Notisia Doño di plantashi Bolivia Meine Breemhaar a fayesé
• Banko i finansa Karchi bieu Bankomátiko MCB ta sigui bálido pa algun tempu mas
• Boneiru Presidente IDEB ta bishitá gezaghèber Soliano

Bekijk meer notisia

Vakatura tòp

• Vakatura awor.nu Selibon tin dos vakatura den su Hunta di Komisario
• Vakatura awor.nu Vakatura Housekeeper
• Vakatura awor.nu Bo ta buskando empelado nobo?

Bekijk meer vakatura awor.nu

Meer Evento i farándula

• Evento i farándula Adrián Fernandez Ojeda I Minelly Wu ganadornan di torneo ‘Lovers Ice Cream’.
• Evento i farándula Boneiru kla pa kuminsá ku benta di vürwerk
• Gobièrnu Dispensashon di e prohibishon pa tira vürwèrk durante kambio di aña
• Evento i farándula Classical Music Board Bonaire ta kontentu ku konsierto di Pasku na Rincon
• Evento i farándula Nochi di Kompra di Pasku dia 20 di desèmber
• Evento i farándula Classical Music Board Bonaire ta wak bèk riba eksitoso konsierto di Pasku
• Evento i farándula Konferensia ‘Trahando pa nos grandinan’ ta enfatisá kolaborashon den kuido pa hende grandi
• Deporte Crossfitternan di Boneiru ta finalisá e Máratòn di 24 ora ku éksito

Meer Literatura i kultura

• Literatura i kultura ‘Yanchi Golos’ obra nobo di Denise Request
• Literatura i kultura Buki grátis ‘Het archief ontwaakt’ ta duna asistensia na investigashon di palu di famia di desendensia Karibense
• Literatura i kultura Gobièrnu di Boneiru ke konstruí sentro multi-funshonal pa stimulá kultura i turismo di konferensia
• Literatura i kultura Show di ACE-WOOD a resultá un éksito
• Literatura i kultura E album Mi Kultura ta uni-ko dispenibel riba USB stick
• Literatura i kultura Papiamentu rekonosé bou di Manifesto na Hulanda Oropeo
• Literatura i kultura A invitá grandinan di Rincon pa un proyekto di músika spesial
• Literatura i kultura A entregá sambarku di estímulo na kuater Boneriano

Bekijk meer literatura i kultura

Meer Kòrsou

• Kòrsou Polis di Kòrsou ta konfirmá koktel Molotov, posiblemente planiá
• Kòrsou Banko sentral di Kòrsou i St. Maarten a sera 2023 ku un ganashi di 148.474 florin
• St Maarten Florin Karibense lo drenta sirkulashon na mart 2025
• Kòrsou Francis de Lanoy a despedí komo Rector Magnificus di UoC
• Polis i hustisia A detené un señora ku 4.3 kilo di kokaina na su kurpa na aeropuerto di Kòrsou
• Kòrsou Summit Karibeño riba Desòrdu Neurológiko lo tuma luga na Kòrsou na novèmber
• Kòrsou Aeropuerto di Kòrsou a tene aktividat di Clean as you Walk
• Kòrsou For di awor por transmití na Netflix e pelíkula di guera ‘Invasie Curaçao’

Bekijk meer kòrsou